Տեղեկատվական կենտրոն
Նորություններ
Ծաղիկներ և ծաղկեպսակներ դրվեցին Արցախյան հերոսամարտում զոհվածների և անհայտ կորածների հիշատակը հավերժացնող հուշարձանին
08.05.2015
Այսօր մարզկենտրոն Արմավիրում մարզային և քաղաքային իշխանությունները, հոգևոր թեմը, հանրակրթական դպրոցների, առողջապահական հաստատությունների, հասարակական և այլ կառույցիների աշխատակիցները ծաղիկներ և ծաղկեպսակներ դրեցին Արցախյան հերոսամարտում զոհվածների և անհայտ կորածների հիշատակը հավերժացնող հուշարձանին` մեկ րոպե լռությամբ հարգելով հանուն մերօրյա խաղաղության նահատակվածների հիշատակը:
Շնորհավորելով ողջ հայությանը մայիսյան եռատոնի կապակցությամբ` մարզպետ Աշոտ Ղահրամանյանն ընդգծեց, որ մայիս ամիսը հայկական օրացույցում նշանավորվում է իր հաղթանակներով, հաղթանակներ, որոնք, ըստ նրա, հեշտությամբ չեն տրվել, սակայն պսակվել են փառքով և մերօրյա հաջողությունների հիմնաքարն են դարձել:
«Հավերժ փառք մեր հերոս տղաներին, որոնց արյան գնով մենք խաղաղ երկնքի տակ ապրելու իրավունք ենք վաստակել: Մեր բոլորի պարտքն է միշտ վառ պահել նրանց հիշատակը և այն հարգելով՝ արժանին մատուցել մեր պետությանը և մեր ժողովրդին», - ամփոփելով իր խոսքը` նշեց մարզպետ Աշոտ Ղահրամանյանը: