Տեղեկատվական կենտրոն
Նորություններ
Մարզպետ Աշոտ Ղահրամանյանն այցելեց Նալբանդյան համայնքի միջնակարգ դպրոց
28.05.2015
ՀՀ Արմավիրի մարզպետ Աշոտ Ղահրամանյանը մայիսի 28-ին այցելեց Նալբանդյան համայնքի միջնակարգ դպրոց, ուր արդեն սկսվել են հիմնանորոգման աշխատանքները: Կրթօջախը հիմնանորոգվում է կանադահայ բարերար Արմեն Նալբանդյանի անմիջական աջակցությամբ:
Դպրոցի տնօրենի և շինարարություն իրականացնող կազմակերպության պատասխանատուի ուղեցությամբ մարզպետը շրջեց կրթօջախում, ծանոթացավ ընթացող աշխատանքներին` հորդորելով մեծ ուշադրություն դարձնել շինարարության որակի պահպանման վրա և նախանշված աշխատանքներն ավարտին հասցնել սահմանված ժամկետներում:
Հավելենք, որ Արմավիրի մարզի հրատապ խնդիրների լուծման 2-րդ և 3-րդ ծրագրերի շրջանակներում Նալբանդյանի միիջնակարգ դպրոցում իրականացվել են մասնակի վերանորոգման աշխատանքներ, որոնց արդյունքում կրթօջախն ապահովվել է լոկալ ջեռուցման համակարգով, փոխվել են պատուհանները, նորոգվել է տանիքը: