Տեղեկատվական կենտրոն
Նորություններ
Տեղի ունեցավ մարզպետ Աշոտ Ղահրամանյանի մամլո ասուլիսը
17.07.2015
Այսօր տեղի ունեցավ ՀՀ Արմավիրի մարզպետ Աշոտ Ղահրամանյանի մամուլի ասուլիսը, որի ընթացքում մարզպետն ամփոփեց 2015 թվականի 1-ին կիսամյակի հիմնական ձեռքբերումներն ու ներկայացրեց առաջիկա անելիքները՝ ընդհանուր առմամբ հաջողված համարելով անցած վեց ամիսների ընթացքում ըստ ոլորտների իրականացված աշխատանքները և առկա ցուցանիշները:
Անդրադառնալով քաղաքաշինության ոլորտին՝ մարզպետ Աշոտ Ղահրամանյանը նշեց, որ ՀՀ 2015թ. պետական բյուջեից Արմավիրի մարզպետարանի ծրագրերով մարզին հատկացվել է 537.0 մլն դրամ, որից` 130.0 մլն դրամը նպատակաուղղվել է Բամբակաշատ և Շենիկ համայնքների մշակույթի տների հիմնանորոգմանը, 177.0 մլն դրամ` Նորակերտ և Արագած համայնքների մանկապարտեզների, ինչպես նաև Հայթաղի միջնակարգ դպրոցի մարզադահլիճի և հանդիսությունների դահլիճի վերանորոգման աշխատանքներին, 230.0 մլն դրամ էլ նախատեսվել է Էջմիածին քաղաքում նոր մարզադպրոցի կառուցման համար:
Մարզպետի տեղեկացմամբ՝ 2015-2018թթ. մարզի սոցիալ-տնտեսական զարգացման ծրագրի 2015թ. տարեկան աշխատանքային պլանով քաղաքաշինության ոլորտի իրական ներդրումների չափը կազմում է շուրջ 2,253,632.2 հազ. դրամ և 2015թ. հուլիսի 1-ի դրությամբ փաստացի կատարվել է շուրջ 1,244,717.4 հազ.դրամի ծրագիր:
Ըստ նրա` շարունակվել են ՀՀ քաղաքաշինության նախարարության պատվիրատվությամբ իրականացվող Ալաշկերտի և Ակնաշենի միջնակարգ դպրոցների վերակառուցման ծրագրերը, հաշվետու ժամանակահատվածում կյանքի են կոչվել Միջազգային վարկային և դրամաշնորհային ծրագրերով նախատեսված շինարարական աշխատանքները:
Խոսելով ճանապարհաշինական ծրագրերի մասին՝ մարզպետ Աշոտ Ղահրամանյանը նշեց, որ հուլիսի 1-ի դրությամբ ճանապարհաշինության ոլորտում փաստացի կատարվել է շուրջ 102,040.9 հազ.դրամի ծրագիր` պետական բյուջեի, Համաշխարհային բանկի և համայնքային բյուջեի միջոցներով, այդ թվում` ՀՀ պետական բյուջեի միջոցներով (12669.0 հազ. դրամ) իրականացվել է մարզային նշանակության ավտոճանապարհների ձմեռային պահպանում, ընթացիկ պահպանում և շահագործում, «Կենսական նշանակության ճանապարհացանցի բարելավում» վարկային ծրագրի շրջանակներում Համաշխարհային բանկի ֆինանսավորմամբ հուլիսի 1-ի դրությամբ իրականացվել է 80.0 մլն դրամի ներդրում Հ-292 «Արմավիր-Մրգաշատ-Արևիկ-Երասխահուն» ճանապարհի «Նորապատ-Մրգաշատ-Արևիկ-Եղեգնուտ-Երասխահուն» 18.9 կմ հատվածի հիմնանորոգման համար, իսկ համայնքային բյուջեի միջոցներով հաշվետու ժամանակահատվածում իրականացնել է շուրջ 9371.9 հազ. դրամի ոլորտային ծրագիր:
Մարզպետն անդրադարձավ նաև գյուղատնտեսության ոլորտին` մատնանշելով, որ հաշվետու ժամանակահատվածում համակարգվել է մարզում գործող «Ոռոգում- Ջրառ» ՓԲԸ-ի երկու մասնաճյուղրի և յոթ ՋՕԸ-ի գործունեությունը. 317,5 կմ միջտնտեսային, 4893 կմ ներտնտեսային ցանցերը, 350 խորքային հորերը և 74 պոմպակայանները պատրաստ են եղել ջրամատակարարմանը: Բացի այդ` ՀՀ կառավարության աջակցությամբ մարզի 17 համայնքում վերագործարկվել է ևս 35 խորքային հոր և մինչ օրս իրականացվում է կանոնավոր ջրամատակարարում` գրեթե առանց խոչընդոտների:
Նա տեղեկացրեց, որ նախորդ տարվա համեմատությամբ մարզում ցանքատարածություններն ավելացել են 2307 հա-ով և գրեթե բոլոր մշակաբույսերի գծով ապահովվել է բարձր բերք: Իսկ այսօր արդեն մարզից արտահանվել է 10 000 տոննա ծիրան և մոտ 1000 տոննա կեռաս, ինչպես նաև սկսվել է սալորի արտահանումը:
Անդրադառնալով աառողջապահության ոլորտին` մարզպետ Աշոտ Ղահրամանյանն ընդգծեց, որ 2015թ. առաջին կիսամյակում մարզում համաճարակային իրավիճակը եղել է կայուն և վերահսկելի, իսկ մարզի երեք մանմանկապարտեզներում արձանագրված աղիքային վարակիչ հիվանդությունների մի քանի դեպքերը համաճարկային իրավիճակի վրա էական ազդեցություն չեն ունեցել:
Ըստ նրա` հաշվետու ժամանակահատվածում ձեռնարկվել են միջոցառումներ մայրական մահերի բացառման, պերինատալ մահացության իջեցման, հիվանդանոցային ծառայությունների որակի բարելավման և հիվանդանոցային մահաբերության իջեցման ուղղությամբ: Այս ժամանակահատվածում մարզում ծնվել է 1108 երեխա: Արձանագրվել է 0-15 տարեկան երեխաների մահացության 5 դեպք, իսկ մայրական մահացության դեպք չի արձանագրվել:
Խոսելով սեցիալական ոլորտին վերաբերող հարցերի շուրջ` մարզպետն ընդգծեց, որ սոցիալական ապահովության բնագավառում մարզի զարգացման առաջնային նպատակներից շարունակում է մնալ սոցիալական ծառայությունների մատչելիությունը բոլոր խոցելի խմբերի համար, ինչպես նաև սպասարկման որակի բարձրացումը:
Նրա խոսքով` 2015 թվականի հուլիսի 1-ի դրությամբ մարզի զբաղվածության տարածքային գործակալություններում հաշվառված է աշխատանք փնտրող 5359 մարդ, որից գործազուրկի կարգավիճակ է ստացել 4378-ը: Հաշվետու ժամանակաշրջանում գործակալություններում հաշվառված աշխատանք փնտրող անձանցից աշխատանքի են տեղավորվել 116-ը:
Աշոտ Ղահրամանյանն ուրախությամբ փաստեց, որ մարզի ազգաբնակչության թվի 2010-2014թթ. վերլուծությունը թույլ է տալիս եզրակացնել, որ Հայաստանում միգրացիայաի ամենացածր մակարդակն Արմավիրի մարզում է, որտեղ նշված ժամանակահատվածում բնակչության թիվը փոխվել է միջինը 150-200 մարդով: Իսկ բնակչության բնական աճի ցուցանիշների գծով 2005թ. համեմատությամբ, երբ ծնելիությունը կազմում էր 3385 մարդ, 2014թ. ցուցանիշն աճել է` հասնելով 3621 մարդու:
Նա ուրախացնող համարեց նաև այն հանգամանքը, որ 2014-2015թթ. ուսումնական տարվա համեմատ առաջին դասարանցիների թիվը 3447-ից 2015թ. սեպտեմբերին կկազմի 3568:
Անդրադառնալով կրթության ոլորտին` մարզպետը նշեց, որ հաշվետու ժամանակահատվածում շարունակվել են դպրոցների վերանորոգման, տեխնիկական վերազինման և գույքի թարմացման միջոցառումները, ուսուցիչների մասնագիտական կարողությունների բարձրացման, դպրոցների, որպես ինքնակառավարման մարմինների, ուժեղացման, նախադպրոցական և մասնագիտական կրթության զարգացման ծրագրերը.
Նրա խոսքով` մարզային զարգացման ծրագրով 2015թ. ոլորտի կարիքների գնահատումը կազմել է 4,202,297.8 հազ. դրամ: 2015թ. տարեկան աշխատանքային պլանով նախատեսված միջոցառումների իրատեսական բյուջեն կազմել է շուրջ 1,081,508.0 հազ. դրամ, որի շրջանակներում կվերակառուցվեն և կվերանորոգվեն ընդհանուր թվով 10-ը դպրոց և 11 մանկապարտեզ:
Մարզպետ Աշոտ Ղահրամանյանը խոսեց նաև ներմարզային խնդիրների, դրանց լուծման հնարավոր ուղիների ու նախատեսվող ծրագրերի մասին, պատասխանեց նաև լրագրողներին հետաքրքրող հարցերին: