Տեղեկատվական կենտրոն
Նորություններ
Մարզպետն ընդունեց ռուսական «Գազպրոմ» առևտրական կենտրոնի տնօրենին
30.07.2015
ՀՀ Արմավիրի մարզպետ Աշոտ Ղահրամանյանն այսօր ընդունեց ռուսական «Գազպրոմ» առևտրական կենտրոնի տնօրեն Իրինա Չիստիկովային: Հանդիպմանը ներկա էին նաև ռուսական այլ առևտրային կազմակերպությունների պատասխանատուներ:
Հյուրերն Արմավիրի մարզում էին` ծանոթանալու արտադրական հնարավորություններին և արտադրանքի իրացման շուկային:
Ողջունելով նրանց այցն Արմավիրի մարզ` Աշոտ Ղահրամանյանը ներկայացրեց մարզը բնորոշող հիմնական առանձնահատկությունները և փոխգործակցության հնարավորությունները:
Այնուհետև զրուցակիցները մտքեր փոխանակեցին երկկողմ հետաքրքրություն ներկայացնող հարցերի շուրջ` հնարավորության սահմաններում համագործակցելու պատրաստակամություն հայտնելով: