Տեղեկատվական կենտրոն
Նորություններ
Մարզպետը եղավ Վաղարշապատի հիվանդանոցում
09.11.2015
ՀՀ Արմավիրի մարզպետ Աշոտ Ղահրամանյանն այսօր այցելեց Վաղարշապատի հիվանդանոց` ծանոթանալու մարզի հրատապ խնդիրների լուծման 6-րդ ծրագրով իրականացված տանքի վերանորոգմանը, ինչպես նաև բուժհաստատության միջոցներով և «Էներգիախնայողություն» հիմնադարմի կողմից ներդրված լոկալ ջեռուցման համակարգին:
Բուժհաստատության տնօրեն Վաչիկ Մկրտչյանը մարզպետ Աշոտ Ղահրամանյանին ներկայացրեց կատարված աշխատանքները` միաժամանակ իր գոհունակությունը հայտնելով ծրագրերի իրականացմանը նպաստելու համար:
Հիվանդանոց կատարած այցի շրջանակում մարզպետը հանդիպում ունեցավ նաև բուժանձնակազմի հետ, հետաքրքրվեց նրանց հուզող հարցերով և աշխատանքային գործընթացով: