Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տեսախորհրդակցություն`ՀՀ Արմավիրի մարզպետի և ՌԴ Վոլոգդայի նահանգապետի միջև
22.09.2016
Սույն թվականի ապրիլի 7-ին ՀՀ կառավարությունում ՀՀ Արմավիրի մարզպետարանի և ՌԴ Վոլոգդայի մարզի կառավարության միջև Արմավիրի մարզպետ Աշոտ Ղահրամանյանի և Վոլոգդայի նահանգապետ Օլեգ Կուվշիննիկովի կողմից ստորագրված առևտրատնտեսական, գիտատեխնիկական և հումանիտար համագործակցության մասին համաձայնագրի շրջանակներում ՀՀ Արմավիրի մարզպետ Աշոտ Ղահրամանյանի գլխավորած պատվիրակությունը փոխադարձ այցով հուլիսի 28 եղել է ՌԴ Վոլոգդայի մարզում:
Այցի ընթացքում կողմերը մի շարք ոլորտներում փոխգործակցության նախնական պայմանավորվածություն էին ձեռք բերել, որի վերաբերյալ մանրամասներն այսօր քննարկվեցին ՀՀ Արմավիրի մարզպետ Աշոտ Ղահրամանյանի և ՌԴ Վոլոգդայի նահանգապետ Օլեգ Կուվշիննիկովի միջև տեղի ունեցած տեսախորհրդակցության ընթացքում:
Նահանգապետ Օլեգ Կուվշիննիկովը կոնյակի, կարմիր և սպիտակ չոր գինիների, պահածոների արտահանման հետ կապված առաջարկություն ներկայացրեց: Մարզպետ Աշոտ Ղահրամանյանն էլ հանդես եկավ ապակե տարաների, խողովակների և բուսական ծագմամբ օշարակների ներմուծման առաջարկով: Կողմերի միջև պայմանավորվածություն ձեռք բերվեց նաև սեղանի սորտի խաղողի արտահանման հետ կապված:
Զրուցակիցները պատրաստակամություն հայտնեցին նպաստել ձևավորված հարաբերությունների հետագա զարգացմանը և ամրապնդմանը:
