Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Արմավիրի մարզից Արցախ մեկնեց պայմանագրային ծառայողների առաջին խումբը
22.11.2016
Այսօր Արմավիրի մարզից Արցախ մեկնեց պայմանագրային ծառայողների առաջին խումբը` հրամանատար Մամիկոն Պետրոսյանի գլխավորությամբ: Պայմանագրային ծառայողների մեծաթիվ խումբը ձևավորվել է «Սև հովազ» կամավորական ջոկատի բազայի վրա, որը ղեկավարում է ԱԺ պատգամավոր Ռուստամ Գասպարյանը:
Կամավորականներին Արցախ ճանապարհեցին ՀՀ Արմավիրի մարզպետ Աշոտ Ղահրամանյանը, 5-րդ բանակային կորպուսի հրամանատար Կարեն Աբրահամյանը, ԱԺ պատգամավոր, «Սև հովազ» կամավորական ջոկատի հրամանատար Ռուստամ Գասպարյանը, մեծ թվով համայնքապետեր, հարազատներ ու մարտական ընկերներ:
Ողջունելով ներկաներին` մարզպետ Աշոտ Ղահրամանյանը բարի ճանապարհ և խաղաղ ծառայություն մաղթեց պետական սահմանների պաշտպանության համար զինվորագրված հայորդիներին` հպարտությամբ ընդգծելով, որ Արմավիր մարզը միշտ պատրաստ է եղել պայքարելու իր երկրի խաղաղության համար և առանձնացել է իր հերոս զավակներով:
Ծառայության մեկնողներին բարի ճանապարհ մաղթեցին և իրենց հորդորներով քաջալերեցին նաև Կարեն Աբրահամյանը և Ռուստամ Գասպարյանը: Պայմանագրային ծառայողներին օրհնության խոսք հղեց նաև Արմավիրի թեմի Ջանֆիդայի Սուրբ Կարապետ եկեղեցու հոգևոր հովիվ Տեր Արիս քահանա Խաչատրյանը, որից հետո նրանք բարձր տրամադրությամբ և մարտական ոգով մեկնեցին իրենց ծառայությունը մատուցելու հայրենիքին:
