Տեղեկատվական կենտրոն
Նորություններ
ՀՀ Արմավիրի մարզպետի գլխավորած պատվիրակությունը մեկնել է ՍՀ Տռնավայի ինքնավար մարզ
20.12.2016
Դեռևս 2009 թվականի մայիսի 29-ին Հայաստանի Հանրապետության Արմավիրի մարզի և Սլովակիայի Հանրապետության Տռնավայի ինքնավար մարզի միջև առևտրա-տնտեսական, գիտա-տեխնիկական և մշակույթի ոլորտներում համագործակցության վերաբերյալ ստորագրված համաձայնագրի շրջանակներում վերջին տարիներին ութ փոխայցելություն է տեղի ունեցել երկու մարզերի ղեկավարների մակարդակով:
Կողմերի միջև ձևավորված փոխգործակցությունը խթանելու և համագործակցության նոր ուղիներ նախանշելու նպատակով՝ ՀՀ Արմավիրի մարզպետ Աշոտ Ղահրամանյանի գլխավորած պատվիրակությունը ՍՀ Տռնավայի ինքնավար մարզի ղեկավար Տիբոռ Միտուշի հրավերով դեկտեմբերի 20-26-ը կգտնվի Տռնավայում: