Տեղեկատվական կենտրոն
Նորություններ
Մարզպետ Աշոտ Ղահրամանյանը պարգևատրվել է «ԻՐԱՎԱԿԱՐԳԻ ԱՄՐԱՊՆԴՄԱՆ ՀԱՄԱՐ» մեդալով
23.02.2017
ՀՀ Արմավիրի մարզպետ, ոստիկանության գեներալ-մայոր Աշոտ Ղահրամանյանը ՀՀ ոստիկանության պետ, ոստիկանության գեներալ-գնդապետ Վլադիմիր Գասպարյանի համապատասխան հրամանով պարգևատրվել է «ԻՐԱՎԱԿԱՐԳԻ ԱՄՐԱՊՆԴՄԱՆ ՀԱՄԱՐ» մեդալով, որն այսօր մարզպետին փոխանցեց ոստիկանության Արմավիրի մարզային վարչության պետ Արսեն Այվազյանը:
Շնորհավորելով մարզպետին ոստիկանապետ Վլադիմիր Գասպարյանի կողմից պարգևատրվելու կապակցությամբ` ոստիկանության Արմավիրի մարզային վարչության պետն իր հերթին շնորհակալություն հայտնեց մարզպետ Աշոտ Ղահրամանյանին մարզում իրավապահ մարմինների գործունեությանն աջակցելու և համակարգում ունեցած տարիների փորձն ու գիտելիքներն ազգաբնակչության անվտանգության ապահովմանը ծառայեցնելու համար:
Պարգևատրվելու կապակցությամբ մարզպետն իր շնորհակալությունը փոխանցեց ոստիկանապետին և վստահեցրեց, որ շարունակելու է աշխատել նույն ոգով` ի նպաստ հայրենիքի շենացման ու բարօրության: