Տեղեկատվական կենտրոն
Նորություններ
Մարզպետ Աշոտ Ղահրամանյանն ընդունել է Չեխիայից ժամանած արշավախմբին
15.08.2017
ՀՀ Արմավիրի մարզպետ Աշոտ Ղահրամանյանն այսօր ընդունել է ՉՀ Պրահայի հնագիտության ինստիտուտը ներկայացնող արշավախմբին, որը գլխավորել է ազգությամբ չեխ, բնական գիտությունների դոկտոր Յարոսլավ Բարտան:
Արշավախումբը հուլիսի 16-ից հնագիտական հետազոտություններ է իրականացնելու Արմավիրի մարզի Այգեշատ համայնքում (Վաղարշապատի տարածաշրջան):
Ողջունելով արշավախմբի այցն Արմավիրի մարզ` մարզպետը հույս է հայտնել, որ նրանց սպասումները հաջողությամբ կպսակվեն և նոր բացահայտումների հիմք կդառնան: Նա մանրամասներ է ներկայացրել մարզի պատմամշակութային նկարագրի վերաբերյալ, խոսել տարիների ընթացքում իրականացված պեղումների ժամանակ հայտնաբերված գտածոների մասին, որոնք նկարագրում են տեղի բնակչության հազարամյա պատմությունը, նրանց կենցաղն ու սովորույթները:
Չեխական արշավախումբը շնորհակալություն է հայտնել ջերմ ընդունելության, ներկայացված կարևոր տեղեկությունների համար` պատրաստակամություն հայտնելով իրենց փորձն ու գիտելիքները կիսել հայաստանյան գործընկերների հետ: