Արմավիրի մարզպետի աշխատակազմ

Տարիների ընթացքում ձևավորված ավանդույթի համաձայն Մրգաշատ համայնքում այսօր նշվել է գյուղատնտեսական տարվա ավարտը խորհրդանշող Մաճառի տոնը: Համայնքային տոնակատարությանը ներկա է գտնվել նաև մարզպետ Աշոտ Ղահրամանյանը, ով համայնքապետ Գևորգ Դանիելյանի ուղեկցությամբ մոտեցել է համայնքի հրապարակում բացված առատ սեղաններին` լի բերքուբարիքով, ավանդական և ազգային ուտեստներով, աղանդերով և օրվա խորհուրդը հանդիսացող մաճառով: Նա օգտվել է հյուրասիրությունից և բարեմաղթանքի խոսքեր հղել մրգաշատցիներին` ցանկանալով, որ հողագործության մեջ ներդրած ջանք ու եռանդի արդյունքում ստեղծած բերքուբարիքն օգտագործեն իրենց բարօրության համար: