Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետ Աշոտ Ղահրամանյանը ներկա է գտնվել Արմավիրում կազմակերպված «Աշխատանքի տոնավաճառին»
18.10.2017
ՀՀ Արմավիրի մարզպետ Աշոտ Ղահրամանյանը փոխմարզպետներ Լարիսա Մուրադյանի և Գագիկ Գաբրիելյանի հետ այսօր ներկա է գտնվել Արմավիր քաղաքում Զբաղվածության պետական գործակալության կողմից կազմակերպված «Աշխատանքի տոնավաճառին»:
Աշխատանք փնտրողներին միջոցառման շրջանակում մարզային տնտեսության տարբեր ոլորտներ ներկայացնող 25 գործատու առաջարկել է 53 թափուր և 13 սպասվելիք աշխատատեղ:
Ողջունելով Զբաղվածության պետական գործակալության կողմից «Աշխատանքի տոնավաճառի» իրականացման գաղափարը` մարզպետ Աշոտ Ղահրամանյանը կարևորել է նման ձեռնարկի նշանակությունը հատկապես երիտասարդների շրջանում. «Աշխատանքի տոնավաճառը լավ հնարավորություն է գործազուրկներին թափուր աշխատատեղերի մասին իրազեկելու, իրենց որակավորմանը համապատասխան աշխատանք փնտրելու իմաստով»:
Նա հույս է հայտնել, որ նման ձևաչափով գործատուների և աշխատանք փնտրողների հանդիպման կազմակերպումը դրական արդյունք կտա:
Այնուհետև Զբաղվածության պետական գործակալության տնօրենի ուղեկցությամբ մարզպետը շրջել է գործատուների կողմից բացված տաղավարներով, ծանոթացել առաջարկվող աշխատատեղերին, համապատասխան կազմակերպությունների, ընկերությունների գործունեությանը, հետաքրքրվել առաջիկա ծրագրերով և զարգացման հնարավորություններով:
Հավելենք, որ «Աշխատանքի տոնավաճառի» ընթացքում Փոքր և միջին բիզնեսի զարգացման ազգային կենտրոնի և Արմավիրի զարգացման կենտրոնի պատասխանատուները տեղեկատվություն են ներկայացրել Արմավիրի մարզում 2018 թվականին մեկնարկող «Հաջող սկիզբ» ծրագրին մասնակցելու վերաբերյալ:
