Տեղեկատվական կենտրոն
Նորություններ
Մարզպետն ընդունել է Փարաքարի միջնակարգ դպրոցի ծնողական խորհրդի ներկայացուցիչներին
02.11.2017
ՀՀ Արմավիրի մարզպետ Աշոտ Ղահրամանյանն այսօր ընդունել է Փարաքարի միջնակարգ դպրոցի ծնողական խորհրդի ներկայացուցիչներին: Հանդիպմանը ներկա է եղել նաև մարզպետարանի աշխատակազմի կրթության, մշակույթի և սպորտի վարչության պետ Գայանե Սայադյանը:
Հիմք ընդունելով ՀՀ կառավարության սույն թվականի օգոստոսի 24-ին ընդունած N 1051-Ա որոշումը` մարզպետը ծնողների հետ քննարկել է Փարաքարի հիմնական դպրոցի վերակազմակերպմանը և դպրոցի տնօրենի ժամանակավոր պաշտոնակատարի նշանակմանը վերաբերող հարցեր:
Կարևորելով կրթօջախում ուսումնական գործընթացի արդյունավետ և առանց խոչընդոտների իրականացումը` մարզպետ Աշոտ Ղահրամանյանը կոչ է արել ծնողական խորհրդի ներկայացուցիչներին իրենց ուշադրությունը կենտրոնացնել երեխաների ուսումնառության վրա և զերծ մնալ արհեստական լարվածություն հրահրելուց:
Արձագանքելով ծնողների` միավորված դպրոցի տնօրեն Վարազդատ Հակոբյանին թողնելու, այլ ոչ թե հիմնական դպրոցի տնօրեն Կարինե Մակարյանին նշանակելու պահանջին` մարզպետն ընդգծել է, որ սուբյեկտիվ վերաբերմունք չունի նրանց ընտրության հարցում, սակայն ելնելով ստեղծված իրավիճակից` նա առաջարկել է կրթական ոլորտի պատասխանատուին դպրոցի տնօրենի ժամանակավոր պաշտոնակատար նշանակել այլ դպրոցից: