Տեղեկատվական կենտրոն
Նորություններ
Քառօրյա պատերազմում զոհված արմավիրցի և արարատցի զինծառայողների ծնողներին տրամադրվել են բուժման անժամկետ սերտիֆիկատներ
20.12.2017
<<Նորք-Մարաշ>> բժշկական կենտրոնի նախաձեռնությամբ Արարատի մարզպետարանում կայացած հանդիպմանը ապրիլյան քառօրյա պատերազմում զոհված Արմավիրի և Արարատի մարզերի 24 զինծառայողների ծնողներին սրտաբանական հիվանդանոցի կողմից բուժման անժամկետ սերտիֆիկատներ են հանձնվել:
Սույն թվականի հունվար ամսից սկսված ծրագիրը կշարունակվի մինչև 2018 թվականի մայիսը, որի շրջանակներում սրտաբանական հիվանդանոցի բժիշկներն անվճար կհետազոտեն և կբուժեն քառօրյա պատերազմում զոհված զինծառայողների ծնողներին:
Ծրագիրը մինչ այս իրականացվել է Երևան քաղաքում և Շիրակի մարզում: Պատասխանատուների հավաստմամբ` մինչև մայիս ամիս այն կհասնի բոլոր մարզեր և Արցախ:
<<Նորք-Մարաշ>> բժշկական կենտրոնի տնօրեն Լիդա Մուրադյանն իր խոսքում վստահեցրել է, որ իրենք միշտ կլինեն զոհված զինծառայողների ծնողների կողքին. <<Նրանք կօգտվեն հիվանդանոցի բոլոր ծառայություններից` խորհրդակցությունից մինչև ստենդավորում>>: