Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Մարզպետը ծանոթացել է Ջրարբիի դպրոցում իրականացված գազաֆիկացման աշխատանքներին

21.12.2017

ՀՀ Արմավիրի մարզպետ Աշոտ Ղահրամանյանն այսօր այցելել է Ջրարբիի միջնակարգ դպրոց, համայնքի ղեկավարի և կրթօջախի տնօրենի ուղեկցությամբ ծանոթացել իրականացված գազաֆիկացման աշխատանքներին:

260 աշակերտ ունեցող կրթօջախում տարիներ շարունակ ջեռուցումն ապահովվել է հեղուկ վառելիքի միջոցով: Այսօր արդեն մարզպետարանի և համայնքապետարանի համատեղ աջակցությամբ դպրոցն ապահովվել է Ջեռուցման ներքին համակարգով:

Իր խոսքում մարզպետը նշել է, որ տվյալ դպրոցի համար ջեռուցման ներքին համակարգի անցկացումը միակ խնդիրը չէ: Ըստ նրա` կրթօջախի համար առաջնային է շարունակում մնալ շենքային պայմանների բարելավումը կամ նոր մասնաշենքի կառուցումը, որի կարևորությունը ներկայացվել է պատկան մարմիններին և ակնկալվում է, որ կարճ ժամանակահատվածում հարցին լուծում կտրվի:

Դպրոց կատարած այցի շրջանակում մարզպետը հանդիպել է նաև ուսուցչական կազմին և ծնողներին, ընդունել նրանց շնորհակալությունը` խոստացված գործն իրականություն դարձնելու համար և վստահեցրել, որ արվում է հնարավորը` օր առաջ լուծելու մարզում առկա հիմնախնդիրները:

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2018-01-17 12:51:34