Տեղեկատվական կենտրոն
Նորություններ
Մարզպետն ընդունել է չեխ գործարարի գլխավորած աշխատանքային խմբին
12.03.2018
ՀՀ Արմավիրի մարզպետ Աշոտ Ղահրամանյանն այսօր ընդունել է Չեխիայի «Էլեկտրոմոնտաժ Սիկորա» ընկերության տնօրեն Պետրեմ Սիկորայի գլխավորած աշխատանքային խմբին: Հանդիպմանը ներկա են գտնվել նաև մարզպետի տեղակալ Մովսես Քարտաշյանը, մարզպետարանի աշխատակազմի ղեկավար Փառանձեմ Կարապետյանը և քաղաքաշինության վարչության պետ Կարինե Դանիելյանը:
Կողմերը քննարկել են Արմավիրի մարզում չեխ գործարարի կողմից նախատեսվող ներդրումային ծրագրերին, մասնավորապես` աղբի վերամշակման գործարանի հիմնմանը և հետագա աշխատանքային գործունեությանը վերաբերող մանրամասներ:
Աշխատանքային խմբի կողմից մարզպետին է ներկայացվել նաև աղբի վերամշակման գործարանի կառուցման նախագիծը, որը հավանության է արժանացել վերջինիս կողմից:
Տարբեր մասնագետներից բաղկացած աշխատանքային խումբը մարզպետ Աշոտ Ղահրամանյանի մոտ տեղի ունեցած հանդիպումից հետո այցելել է աղբի վերամշակման գործարանի համար նախատեսված վայր` տեղանքին ծանոթանալու և նախնական աշխատանքներ իրականացնելու համար: