Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետն ընդունել է Ուկրաինայի Բելգորոդ-Դնեստրովսկի քաղաքի պատվիրակությանը
27.03.2018
ՀՀ Արմավիրի մարզպետ Աշոտ Ղահրամանյանն այսօր ընդունել է Ուկրաինայի Բելգորոդ-Դնեստրովսկի քաղաքի պատվիրակությանը` քաղաքապետ Ալլա Գինակի գլխավորությամբ: Պատվիրակությանն ուղեկցել է Էջմիածնի քաղաքապետ Կարեն Գրիգորյանը:
Ողջունելով պատվիրակության այցն Արմավիրի մարզ` մարզպետ Աշոտ Ղահրամանյանը կարևորել է Էջմիածին և Բելգորոդ-Դնեստրովսկի քաղաքների միջև սկսված համագործակցությունը, որն ամրագրվելու է կողմերի միջև ստորագրվող հուշագրով: Նա հյուրերին համառոտ տեղեկություն է ներկայացրել մարզի պատմության, հիմնական առանձնահատկությունների և զարգացման հեռանկարների մասին` միաժամանակ պատրաստակամություն հայտնելով աջակցություն ցուցաբերել Բելգորոդ-Դնեստրովսկիում կրթական ծրագրերի իրականացմանը:
Քաղաքապետ Ալլա Գինակին շնորհակալություն է հայտնել ջերմ ընդունելության համար և մարզպետ Աշոտ Ղահրամանյանին հրավիրել մասնակցելու իր ղեկավարած քաղաքի տոնին, որը տեղի է ունենալու սույն թվականի հունիսի 3-ին:
