Տեղեկատվական կենտրոն
Նորություններ
Քննարկվել են գործող և դադարած իրավունքի սուբյեկտների նույնականացման տվյալների թարմացմանը վերաբերող հարցեր
28.03.2018
ՀՀ Արմավիրի մարզպետ Աշոտ Ղահրամանյանի գլխավորությամբ այսօր հրավիրված խորհրդակցությանը համայնքապետերի հետ քննարկվել են համայնքներում գործող և դադարած իրավունքի սուբյեկտների նույնականացման տվյալների թարմացմանը վերաբերող հարցեր:
Համայնքների ղեկավարներին առաջարկվել է սեղմ ժամկետում հաշվառել և մարզպետարան ներկայացնել ՀՀ կառավարությանն առընթեր անշարժ գույքի կադաստրի պետական կոմիտեի մեթոդական ցուցումներին համապատասխան սեփականատերերի գույքի նույնականացման վերաբերյալ շտկված տվյալներ:
Խորհրդակցության ավարտին համայնքի 2017 թվականի բյուջեի սեփական եկամուտների հավաքագրման գործընթացում բարձր ցուցանիշներ ապահոված թվով 20 համայնքապետ էլ մարզպետ Աշոտ Ղահրամանյանի կողմից պարգևատրվել է պատվոգրով: