Տեղեկատվական կենտրոն
Նորություններ
Մարզային հանձնաժողովն ամփոփել է կարկտահարության հասցրած վնասը գնահատող ակտերը
21.08.2018
ՀՀ Արմավիրի մարզպետ Գագիկ Միրիջանյանի մոտ այսօր հրավիրված խորհրդակցությանն Արմավիրի մարզում արտակարգ իրավիճակների հետևանքով ֆիզիկական և իրավաբանական անձանց պատճառված վնասները գնահատող մարզային հանձնաժողն ամփոփել է ս.թ. օգոստոսի 10-ին տեղացած կարկուտից տուժած մարզի 19 համայնքում իրականացված ուսումնասիրության արդյունքները` ՀՀ կառավարություն ներկայացնելու նպատակով:
Կարևորելով կառավարություն ներկայացվող տեղեկանքում բնական աղետից տուժած գյուղացիական տնտեսությունների մասով ամբողջական և ճշգրիտ տվյալների առկայությունը` մարզպետի առաջարկով հանձնաժողովի անդամները վերանայել են կարկտահարության հասցրած վնասը գնահատող ակտերը` բացառելով հնարավոր բացթողումները:
Խորհրդակցության ավարտից հետո մարզպետ Գագիկ Միրիջանյանը կառավարություն է ներկայացրել մարզի վարչական տարածքում կարկտահարության հետևանքով գյուղացիական տնտեսությունների կրած վնասի վերաբերյալ վերջնական տեղեկանքը: