Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Քաղաքացիների հերթական ընդունելությունը տեղի է ունեցել փոխմարզպետ Կարեն Գրիգորյանի մոտ
23.08.2018
Քաղաքացիների հերթական ընդունելությունն այսօր տեղի է ունեցել ՀՀ Արմավիրի մարզպետի տեղակալ Կարեն Գրիգորյանի մոտ, որին ներկա են գտնվել նաև մարզպետարանի աշխատակազմի ոլորտային պատասխանատուները:
Փոխմարզպետն ընդունել է նախապես գրանցված 25 քաղաքացու: Ընդունելությանը գրանցված քաղաքացիները հիմնականում դիմել են աշխատանքի տեղավորման միջնորդության, դրամական օգնության, առողջական խնդիրների լուծմանն ընդառաջելու խնդրանքով: Հարցեր են եղել նաև բնակարանով ապահովման, կոմունալ-կենցաղային պայմանների բարելավման, բնակտարածության սեփականության իրավունքի վերականգնման վերաբերյալ:
Քաղաքացիները Կարեն Գրիգորյանին դիմել են նաև համայնքապետերի կողմից իրենց ընտանիքների սոցիալական խնդիրների լուծմանը միջնորդելու, ինչպես նաև սույն թվականի օգոստոսի 10-ին տեղացած կարկտահարության պատճառով ազգաբնակչության կողմից ԱՁ-ին ունեցած պարտքերի մարման գործընթացին հնարավոր աջակցություն ցուցաբերելու խնդրանքով:
Ընդունելությանը քաղաքացիների կողմից բաձրաձայնած հարցերը քննարկելով համապատասխան կառուցվածքային ստորաբաժանումների պատասխանատուների հետ` փոխմարզպետը ներկայացրել է համարժեք պարզաբանումներ, որոշ հարցերի էլ լուծում է տվել:
