Տեղեկատվական կենտրոն
Նորություններ
Արմավիրի մարզում տրվել է «Մաքուր Մոլորակ» ծրագրի շրջանակներում իրականացվող համապետական շաբաթօրյակի մեկնարկը
15.09.2018
Այսօր առավոտյան ժամը 10:00-ից Արմավիրի մարզում տրվել է «Մաքուր Մոլորակ» ծրագրի շրջանակներում իրականացվող համապետական շաբաթօրյակի մեկնարկը:
Մարզպետի կարգադրությամբ ստեղծված մարզային հանձնաժողովի կողմից կազմված համապետական շաբաթօրյակի իրականացման գործողությունների պլանի համաձայն հանայնքներում հստակեցվել են գործողությունների ծրագրերը, սահմանազատվել են մաքրման ենթակա տարածքները:
Համապետական շաբաթօրյակի աշխատանքներին ներգրավված են մարզային, համայնքային կազմակերպությունները, հանրապետական գործադիր մարմինների տարածքային ստորաբաժանումները, կրթական, առողջապահական հաստատությունները և մասնավոր ընկերությունները:
Համաձայն շաբաթօրյակի իրականացման գործողությունների պլանի` համայնքներում իրականացվում են հրապարակների, փողոցների ու բակերի, զբոսայգիների, պատմամշակութային հուշարձանների, գերեզմանատների, կրթական և առողջապահական հաստատությունների, հանրային նշանակության կառույցների, ճանապարհների հարակից տարածքների մաքրում և բարեկարգում:
Հիշեցնենք, որ Արմավիրի մարզպետարանում այսօր կգործի թեժ գիծ` հետևյալ հեռախոսահամարով` (+374 237) 2 13 77:
Մարզում ծրագրի ընթացքի վերաբերյալ տեղեկություն ստանալու համար այդ օրը կարող եք զանգահարել նաև հետևյալ հեռախոսահամարին` ( +374 91) 90 15 70: