Տեղեկատվական կենտրոն
Նորություններ
Տոնական օրվան նվիրված հյուրասիրություն` մարզկենտրոն Արմավիրում
21.09.2018
Անկախության տոնի շրջանակներում տեղի ունեցած հանդիսավոր միջոցառումներին հաջորդել է մարզի համայնքների կողմից կազմակերպված հյուրասիրությունը` բերք ու բարիքով, ազգային խոհանոցի ուտեստներով զարդարված սեղանների շուրջ:
Մարզպետ Գագիկ Միրիջանյանը փոխմարզպետների, այլ պաշտոնյաների և հյուրերի ուղեկցությամբ մոտեցել է բացված սեղաններին, հյուրասիրվել ու բարեմաղթել հողի լեզուն հասկացող բազմավաստակ մշակներին ու համայնքային պատասխանատուներին:
Հավելենք, որ օրվա կապակցությամբ քաղաքային հրապարակում մարզը ներկայացնող պարային խմբերի և անհատ կատարողների մասնակցությամբ տեղի է ունեցել տոնական համերգ, ինչպես նաև նկարիչների աշխատանքների ցուցադրություն: