Տեղեկատվական կենտրոն
Նորություններ
Քաղաքացիների հերթական ընդունելությունը տեղի է ունեցել փոխմարզպետ Կարեն Գրիգորյանի մոտ
04.10.2018
Քաղաքացիների հերթական ընդունելությունն այսօր տեղի է ունեցել մարզպետի տեղակալ Կարեն Գրիգորյանի մոտ, որին ներկա են գտնվել նաև փոխմարզպետ Ալեքսանդր Ղուկասյանը, մարզպետարանի ոլորտային պատասխանատուները:
Փոխմարզպետի մոտ տեղի ունեցած ընդունելությանը նախապես գրանցվել և մասնակցել է մարզի 7 բնակիչ: Ընդունելությանը գրանցված քաղաքացիներից երկուսը փոխմարզպետին դիմել են դրամական աջակցության, երկուսն էլ` աշխատանքի տեղավորման խնդրանքով: Քաղաքացիներից երեքն էլ Կարեն Գրիգորյանին դիմել են հողի սեփականաշնորհման վկայականի տրամադրման գործընթացին միջնորդելու, ճանապարհի անօրինական զավթումը կանխելու և շաքարային դիաբետի համար տրամադրվող դեղը փոխելու հարցերով:
Ընդունելությանը քաղաքացիների կողմից բաձրաձայնած հարցերը քննարկելով համապատասխան կառուցվածքային ստորաբաժանումների պատասխանատուների հետ` փոխմարզպետը ներկայացրել է համարժեք պարզաբանումներ, իսկ հարցերից երկուսն էլ վերցրել է իր անմիջական հսկողության տակ` վստահեցնելով, որ համապատասխան ուսումնասիրություններից հետո միայն կանդրադառնա դրանց լուծման հնարավորություններին և այդ մասին կտեղեկացնի դիմումատուներին: