Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Ամենայն Հայոց Կաթողիկոսն ընդունել է մարզպետ Համբարձում Մաթևոսյանին

05.11.2018

Նոյեմբերի 4-ին Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց ՀՀ Արմավիրի նորանշանակ մարզպետ Համբարձում Մաթևոսյանին` ուղեկցությամբ Արմավիրի թեմի առաջնորդ Գերաշնորհ Տ. Սիոն եպիսկոպոս Ադամյանի:

Նորին Սրբությունը նորանշանակ մարզպետին իր բարեմաղթանքները փոխանցեց` վստահություն հայտնելով, որ Մայր Աթոռի և մարզպետարանի միջև ձևավորված սերտ գործակցությունը կշարունակվի արդյունավորվել նոր կենսագործումներով:

Վեհափառ Հայրապետը մարզպետին ներկայացրեց մարզի տարածքում սոցիալական, կրթական և այլ ոլորտներում Մայր Աթոռի և Արմավիրի թեմի գործունեությունը:

Իր հերթին պրն. Համբարձում Մաթևոսյանը Նորին Սրբությանը ներկայացրեց մարզում իրականացվելիք առաջնահերթ ծրագրերը, ինչպես նաև կարևորեց տարբեր բնագավառներում Հայոց Եկեղեցու հետ համագործակցությունը:

Վերջում, իր գնահատանքը բերելով մարզպետին, Ամենայն Հայոց Կաթողիկոսը նրան մաղթեց Աստծու օրհնության ներքո պատվով իրականացնել իր ծառայությունը:

 

Աղբյուր՝ Մայր Աթոռի տեղեկատվական համակարգ

 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2018-11-16 17:59:04