Տեղեկատվական կենտրոն
Նորություններ
Մարզպետի մոտ տեղի է ունեցել քաղաքացիների հերթական ընդունելությունը
08.11.2018
ՀՀ Արմավիրի մարզպետ Համբարձում Մաթևոսյանի մոտ այսօր տեղի է ունեցել քաղաքացիների հերթական ընդունելությունը, որին նախապես գրանցված 26 քաղաքացիներից մասնակցել են 19-ը:
Քաղաքացիների կողմից ներկայացվող հարցերը քննարկելու, ինչպես նաև համապատասխան լուծումներ առաջարկելու նպատակով ընդունելությանը ներկա են գտնվել նաև մարզպետի տեղակալը, մարզպետարանի գլխավոր քարտուղարի պաշտոնակատարը և կառուցվածքային ստորաբաժանումների պատասխանատուները:
Ընդունելությանը մասնակցած քաղաքացիները մարզպետին դիմել են որոշ սոցիալ-տնտեսական աջակցություն տրամադրելու, տնամերձ հողատարածք ստանալու, բնակարանի գրանցման հարցին հնարավոր օժանդակություն ցուցաբերելու խնդրանքով:
Մարզպետին դիմել են նաև Արմավիրի բժշկական հաստատություններում գործող դիահերձարաններում առաջացած խնդրին լուծում տալու և մանկապարտեզի տնօրենի աշխատանքը շարունակելու համար:
Մարզպետ Համբարձում Մաթևոսյանը ներկայացված խնդիրները քննարկել է ոլորտային պատասխանատուների հետ, այնուհետև քաղաքացիներին տվել համարժեք պարզաբանումներ: