Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Արմավիրի մարզպետ Համբարձում Մաթևոսյանի շնորհավորական ուղերձը Տեղական ինքնակառավարման մարմինների օրվա առթիվ
10.11.2018
Տեղական ինքնակառավարման մարմինների հարգելի գործընկերներ,
Ի սրտե շնորհավորում եմ բոլորիդ Տեղական ինքնակառավարման մարմինների օրվա առթիվ:
22 տարի առաջ այս օրը Հայաստանի Հանրապետությունում անցկացվեցին տեղական ինքնակառավարման մարմինների առաջին ընտրությունները, որով դրվեցին տեղական ժողովրդավարության հիմքերը:
Տեղական ինքնակառավարման մարմինները բարդ ու պատվաբեր առաքելություն են իրականացնում՝ հանդիսանալով քաղաքացու և պետության անմիջական կապող օղակը: Պետությունն ուժեղ է իր ուժեղ համայնքներով, և երկրի կայունության հիմքը զարգացած ու կազմակերպված համայնքներ ունենալն է:
Հեղափոխությունից հետո մեր ժողովրդի սպասումներն ու ակնկալիքներն էլ ավելի են մեծացել այս ինստիտուտի հանդեպ: Ուստի, հարգելի ՏԻՄ ներկայացուցիչներ, համոզված եմ, որ որդեգրելու եք Ձեր առաքելությունն արդար և վստահորեն կատարելու գաղափարը` հանուն ավելի կայուն և բարեկեցիկ հասարակության, ավելի ուժեղ համայնքի ու պետության:
Կրկին շնորհավորում եմ բոլորիդ այս տոնական օրվա առթիվ՝ մաղթելով հաջողություններ, ամուր կամք և հաստատակամություն՝ Ձեր պատվաբեր և պատասխանատու գործում:
