Տեղեկատվական կենտրոն
Նորություններ
Տեղի է ունեցել քաղաքացիների հերթական ընդունելությունը
22.11.2018
ՀՀ Արմավիրի մարզպետ Համբարձում Մաթեւոսյանի մոտ այսօր տեղի է ունեցել քաղաքացիների հերթական ընդունելությունը` մասնակցությամբ մարզի 18 բնակչի: Սահմանված կարգի համաձայն` ընդունելությանը ներկա են գտնվել նաև մարզպետի տեղակալները եւ ոլորտային այլ պատասխանատուներ:
Ընդունելությանը քաղաքացիների կողմից ներկայացված հարցերը հիմնականում առնչվել են քաղաքաշինության եւ գյուղատնտեսության ոլորտներին, որոնց վերաբերյալ մարզպետը հանձնարարականներ է տվել համապատասխան կառուցվածքային ստորաբաժանումների պատասխանատուներին` հորդորելով օրենքի եւ առկա հնարավորությունների շրջանակում լուծել դրանք: Համբարձում Մաթեւոսյանին քաղաքացիները դիմել են նաեւ դրամական աջակցության խնդրանքով եւ անձնական բնույթի հարցերով:
Սոցիալական խնդիրներ ունեցող եւ դրամական օգնության համար դիմած քաղաքացիներին մարզպետը տեղեկացրել է, որ մարզպետարանին սոցիալական աջակցության նպատակով նոյեմբեր ամսի համար տրամադրված գումարն արդեն սպառվել է` առաջարկելով խնդիրների լուծման այլ տարբերակներ:
Հիշեցնենք, որ մարզպետ Համբարձում Մաթեւոսյանի մոտ քաղաքացիների ընդունելությունը տեղի է ունենում ամեն հինգշաբթի` սկսած ժամը 14:00-ից: Մարզպետի մոտ ընդունելության համար խնդրում ենք հերթագրվել մարզպետարանի քարտուղարության պետի մոտ: