Տեղեկատվական կենտրոն
Նորություններ
<<Վաղարշապատի հիվանդանոց>> ՊՓԲ-ի տնօրեն է նշանակվել Գոռ Ասատրյանը
30.11.2018
Ինչպես արդեն տեղեկացրել էինք, սույն թվականի նոյեմբերի 27-ին Արմավիրի մարզպետարանում կայացավ մարզպետարանի ենթակայության տակ գտնվող ՀՀ Արմավիրի մարզի <<Վաղարշապատի հիվանդանոց>> պետական փակ բաժնետիրական ընկերության տնօրենի թափուր պաշտոնը զբաղեցնելու համար հայտարարված մրցույթը, որին 16 դիմումատուից ներկա գտնվեց 11-ը, իսկ մրցույթին մասնակցելու իրավունք ստացավ 10-ը:
Իրականացված մրցույթի երեք փուլի (թեստավորում, հարցազրույց եւ կազմակերպության զարգացման ծրագրի ներկայացում) արդյունքում հաղթող ճանաչվեցին մասնակիցներից 3-ը`Արտակ Իսախանյանը, Գոռ Ասատրյանը եւ Օլգա Մարգարյանը:
ՀՀ կառավարության 2011 թվականի N992-Ն որոշմամբ հաստատված կարգով մրցույթի արդյունքում հաղթող ճանաչված մասնակիցներից Գոռ Ասատրյանի հետ մարզպետ Համբարձում Մաթեւոսյանի որոշմամբ այսօր երեք տարի ժամկետով աշխատանքային պայմանագիր է կնքվել: