Տեղեկատվական կենտրոն
Նորություններ
Մարզպետ Համբարձում Մաթևոսյանի շնորհավորանքի խոսքն ԱԺ արտահերթ ընտրությունների կապակցությամբ
11.12.2018
Արմավիրի մարզի հարգելի բնակիչներ, սիրելի հայրենակիցներ,
Ընդունեք իմ ջերմ շնորհավորանքներն արտահերթ խորհրդարանական ընտրություններում բոլորիս ունեցած հաղթանակի համար: Սա այն հաղթանակն էր, որով ամրագրվեց նոր Հայաստանի իրողությունը:
Այո, Հայաստանի Հանրապետության անկախ և արդարամիտ քաղաքացին դեկտեմբերի 9-ին իր գիտակցված քայլն արեց հանուն այն երկրի, որն ունենալու ցանկությունը երազանք է եղել բոլոր սերունդների համար:
Մեզանից յուրաքանչյուրը, անկախ սոցիալական կարգավիճակից, զբաղեցրած պաշտոնից ու քաղաքական հայացքներից, պետք է օգտվի այս պատմական իրադարձությունից և իր մասնաբաժինն ունենա հայրենիքի շենացման գործում:
Ես վստահ եմ, որ նորընտիր Ազգային ժողովն ու կառավարությունը բացառիկ դերակատարում կունենան մեր համընդհանուր նպատակին հասնելու ճանապարհին:
Աստված օգնական բոլորիս: