Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետ Համբարձում Մաթևոսյանը ներկա է գտնվել ոսկեհատցի ազատամարտիկի ծննդյան տարեդարձին նվիրված միջոցառմանը
17.12.2018
ՀՀ Արմավիրի մարզպետ Համբարձում Մաթևոսյանը Ոսկեհատ համայնքի մշակույթի տանը դեկտեմբերի 15-ին ներկա է գտնվել արցախյան պատերազմի հերոս Սամվել Հակոբյանի ծննդյան 50-ամյա հոբելյանին նվիրված «Մահ իմացյալ անմահություն…» խորագիրը կրող հուշ-ցերեկույթին:
Միջոցառմանը հայրենասիրական երգ ու պարով, ասմունքով հանդես են եկել Ոսկեհատի միջնակարգ դպրոցի սաները` իրենց խոնարհումը բերելով հերոս համագյուղացու հիշատակին:
Ողջունելով ներկաներին և շնորհավորելով Հակոբյանների ընտանիքին, հարազատներին ու համագյուղացիներին իրենց հերոս զավակի ծննդյան օրվա առթիվ` մարզպետն անգնահատելի է համարել հանուն հայրենիքի պաշտպանության նահատակված և մարտնչած յուրաքանչյուր հայի սխրանքը:<<Քանի դեռ ապրում ենք, միշտ պետք է հիշենք մեր իրականա հերոսներին, և մեր սերունդների մեջ վառ պահենք նրանց հիշատակը: Խոնարհվում եմ հանուն մեր խաղաղության իրենց կյանքը զոհած բոլոր հերոս հայորդիների հիշատակի առաջ: Հավերժ փառք ձեզ, հայ քաջեր>>,- իր խոսքում ընդգծել է Համբարձում Մաթևոսյանը:
