Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետի մոտ տեղի է ունեցել քաղաքացիների հերթական ընդունելությունը
20.12.2018
ՀՀ Արմավիրի մարզպետ Համբարձում Մաթեւոսյանի մոտ այսօր տեղի է ունեցել քաղաքացիների հերթական ընդունելությունը, որին մասնակցել է մարզի 12 բնակիչ: Ընդունելությանը ներկա են գտնվել նաև մարզպետի տեղակալները և ոլորտային այլ պատասխանատուներ` քաղաքացիների կողմից ներկայացվող հարցերը տեղում քննարկելու և լուծման հնարավոր տարբերակներ ներկայացնելու համար:
Ընդունելությանը հերթագրված քաղաքացիները Համբարձում Մաթևոսյանին հիմնականում դիմել են աշխատանքով ապահովելու և դրամական աջակցություն տրամադրելու խնդրանքով:
Մարզպետի հանձնարարությամբ աշխատանքով ապահովելու հարցով դիմած քաղաքացիների տվյալները հաշվառվել են` համապատասխան աշխատատեղի առկայության դեպքում նրանց ընդառաջելու նպատակով: Իսկ դրամական աջակցության համար դիմած քաղաքացիներին Համբարձում Մաթևոսյանը տեղեկացրել է, որ մարզպետարանի ֆինանսական համապատասխան միջոցների բացակայությամբ պայմանավորված հնարավոր չէ դրամական աջակցություն տրամադրել և առաջարկել է սոցիալական օգնության այլ տարբերակներ:
Հիշեցնենք, որ մարզպետ Համբարձում Մաթևոսյանի մոտ քաղաքացիների ընդունելությունը տեղի է ունենում ամեն հինգշաբթի` սկսած ժամը 14:00-ից: Մարզպետի մոտ ընդունելության համար խնդրում ենք հերթագրվել մարզպետարանի քարտուղարության պետի մոտ:
