Տեղեկատվական կենտրոն
Նորություններ
Ամանորին ընդառաջ մարզպետն այցելել է Հայրենական մեծ պատերազմի վետերաններին
26.12.2018
ՀՀ Արմավիրի մարզպետ Համբարձում Մաթևոսյանն Ամանորին ընդառաջ այսօր այցելել է Բամբակաշատ և Արաքս համայնքներում բնակվող Հայրենական մեծ պատերազմի վետերաններ Մնացական Խաչատրյանին և Միսակ Վարդանյանին և նվերներ հանձնել նրանց:
Մարզպետը շնորհավորել է վետերաններին գալիք Ամանորի և Սուրբ Ծննդյան տոների կապակցությամբ` նրանց մաղթելով առողջություն և տոկունություն: Նա իր խոսքում նշել է, որ անգնահատելի է Մեծ հայրենականի վետերանների սխրանքը և հաղթանակի գործում նրանց ունեցած ավանդը: <<Ի դեմս ձեզ` ես իմ երախտագիտությունն եմ հայտնում մարզի մյուս 14 վետերանին և հավաստիացնում, որ որպես մարզպետ միշտ ձեր կողքին եմ և պատրաստ եմ ընդառաջելու ձեզ հուզող խնդիրների լուծմանը>>,-իր խոսքում ընդգծել է Համբարձում Մաթևոսյանը:
Մնացական Խաչատրյանը և Միսակ Վարդանյանն էլ իրենց հերթին շնորհակալություն են հայտնել մարզպետին այցելության և ջերմ խոսքերի համար` նրան մաղթելով ուրախ Նոր տարի և բազում հաջողություններ:
Հավելենք, որ Հայրենական պատերազմի մասնակից մարզի մյուս 14 վետերանին կայցելեն մարզպետարանի աշխատակիցները, և ամանորյա նվերներ կփոխանցեն մարզպետ Համբարձում Մաթևոսյանի կողմից: