Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետի մոտ տեղի է ունեցել քաղաքացիների հերթական ընդունելությունը
21.02.2019
ՀՀ Արմավիրի մարզպետ Համբարձում Մաթևոսյանի մոտ փոխմարզպետ Կարեն Գրիգորյանի և մարզպետարանի ոլորտային ստորաբաժանումների պատասխանատուների մասնակցությամբ այսօր տեղի ունեցած քաղաքացիների ընդունելությանը մասնակցել է նախապես գրանցված 7 քաղաքացի, ևս 6-ին էլ մարզպետն ընդունել է արտահերթ:
Քաղաքացիները մարզպետին հիմնականում դիմել են դրամական օգնության, զբաղվածության ապահովման և կենցաղային հարցերի լուծմանն ընդառաջելու խնդրանքով:
Սոցիալական աջակցության համար դիմած քաղաքացիներին մարզպետի որոշմամբ կտրամադրվի դրամական օգնություն, զբաղվածության հարցով դիմած քաղաքացիներին էլ կցուցաբերվի հնարավոր աջակցություն` համապատասխան աշխատանքով ապահովելու ուղղությամբ: Հարցեր են եղել նաև, որոնց լուծման համար Համբարձում Մաթևոսյանի հանձնարարությամբ մարզպետարանի կառուցվածքային ստորաբաժանումների ղեկավարները կգործակցեն պատկան գերատեսչությունների հետ` ձեռնարկելով անհրաժեշտ միջոցառումներ:
Հիշեցնենք, որ մարզպետ Համբարձում Մաթևոսյանի մոտ քաղաքացիների ընդունելությունը տեղի է ունենում ամեն հինգշաբթի` սկսած ժամը 14:00-ից: Մարզպետի մոտ ընդունելության համար խնդրում ենք հերթագրվել մարզպետարանի քարտուղարության պետի մոտ:
