Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետ Համբարձում Մաթևոսյանն այցելել է ԱԻՆ փրկարար ծառայության մարզային փրկարարական վարչություն
01.03.2019
ՀՀ Արմավիրի մարզպետ Համբարձում Մաթևոսյանը Քաղաքացիական պաշտպանության համաշխարհային օրվա կապակցությամբ այսօր այցելել է Արտակարգ իրավիճակների նախարարության (ԱԻՆ) փրկարար ծառայության (ՓԾ) Արմավիրի մարզային փրկարարական վարչություն (ՄՓՎ):
ԱԻՆ Արմավիրի ՄՓՎ պետ Հովհաննես Մարգարյանի ուղեկցությամբ մարզպետը շրջել է վարչական շենքում, ծանոթացել աշխատանքային պայմաններին, գույքային և տեխնիկական հագեցվածությանը:
Համբարձում Մաթևոսյանին զեկուցվել է, որ ճգնաժամային կառավարման կենտրոնի տեխնիկական հագեցվածությունը և 911 ծառայության ստեղծումը դրական ազդեցություն է ունեցել ահազանգերին արագ արձագանքման, վթարափրկարարական և հրդեհաշիջման աշխատանքների իրականացման օպերատիվ կառավարման վրա:
Հովհաննես Մարգարյանը տեղեկացրել է, որ վերջին շրջանում հետևողական աշխատանքներ են տարվել ծառայողների մասնագիտական պատրաստվածության բարձրացման և կադրերի վերապատրաստման ուղղությամբ, բարելավվել են նաև նրանց աշխատանքային պայամանները:
ՄՓՎ պետը մարզպետին ներկայացրել է նաև բնակչության և քաղաքացիական պաշտպանության համակարգի կատարելագործման ուղղությամբ իրականացվող աշխատանքները` ընդգծելով, որ շարունակում են մասնակցություն ցուցաբերել մարզի տարածքում հնարավոր արտակարգ իրավիճակների կանխարգելիչ միջոցառումների պլանավորմանը:
