Տեղեկատվական կենտրոն
Նորություններ
Արևադաշտի միջնակարգ դպրոցն ապահովվել է լոկալ ջեռուցման համակարգով
05.03.2019
ՀՀ Արմավիրի մարզպետարանը հետևողական աշխատանքներ է իրականացնում մարզի հանրակրթական դպրոցները գազաֆիկացնելու և ջեռուցման լոկալ համակարգով ապահովելու ուղղությամբ: Շահումյանի, Թաիրովի և Երասխահունի միջնակարգ դպրոցների ջեռուցման խնդիրը լուծելուց հետո այսօր արդեն վերջնական լուծում է ստացել Արևադաշտի միջնակարգ դպրոցի գազաֆիկացման և ջեռուցման ներքին համակարգի կառուցման հարցը:
Արևադաշտի միջնակարգ դպրոցը գազաֆիկացվել է ուսումնական գծով պետական պատվերի շրջանակում 2018-2019 թվականներին հատկացված գումարի տնտեսած միջոցների հաշվին, որը կազմել է 2 մլն 750 հազար դրամ: Կրթօջախում ջեռուցման համակարգն էլ կառուցվել է Հայ Կրթական Հիմնարկության հայաստանյան մասնաճյուղի` 2 մլն 300 հազար դրամ աջակցությամբ: