Տեղեկատվական կենտրոն
Նորություններ
Մարզպետի մոտ տեղի է ունեցել քաղաքացիների հերթական ընդունելությունը
14.03.2019
ՀՀ Արմավիրի մարզպետ Համբարձում Մաթևոսյանի մոտ փոխմարզպետ Կարեն Գրիգորյանի և մարզպետարանի ոլորտային պատասխանատուների մասնակցությամբ այսօր տեղի է ունեցել քաղաքացիների հերթական ընդունելությունը, որին մասնակցել է նախապես գրանցված 8 քաղաքացի, ևս 3-ին էլ մարզպետն ընդունել է արտահերթ:
Քաղաքացիները մարզպետին դիմել են սոցիալ-կենցաղային, քաղաքաշինական և հողային հարաբերություններին առնչվող հարցերով: Հարցեր են եղել նաև դպրոցի, ոռոգման համակարգի հետ կապված խնդիրներին հնարավոր լուծում տալու վերաբերյալ:
Քաղաքացիների կողմից ներկայացված հարցերին մարզպետ Համբարձում Մաթևոսյանի կողմից տրվել են համարժեք լուծումներ և պարզաբանումներ: Եղել են նաև հարցեր, որոնց լուծման ուղղությամբ ոլորտային պատասխանատուներին հանձնարարվել է համապատասխան աշխատանքներ իրականացնել և ընթացքի մասին տեղեկություն ներկայացնել քաղաքացիներին:
Հիշեցնենք, որ մարզպետ Համբարձում Մաթևոսյանի մոտ քաղաքացիների ընդունելությունը տեղի է ունենում ամեն հինգշաբթի` սկսած ժամը 14:00-ից: Մարզպետի մոտ ընդունելության համար խնդրում ենք հերթագրվել մարզպետարանի քարտուղարության պետի մոտ: