Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետը ներկա է գտնվել Կոմիտաս Վարդապետի ծննդյան 150-ամյակին նվիրված համերգ-դասախոսությանը և ցուցահանդեսին
20.03.2019
ՀՀ Արմավիրի մարզպետ Համբարձում Մաթևոսյանն այսօր Էջմիածնի Մակար Եկմալյանի անվան N1 երաժշտական դպրոցում ներկա է գտնվել Վաղարշապատի (Էջմիածին) համայնքապետարանի և Արմավիրի մարզում գործող "Արտպրոգրես" մշակութային հասարակական կազմակերպության նախաձեռնությամբ կազմակերպված համերգ-դասախոսությանը և ցուցահանդեսին` նվիրված Կոմիտաս Վարդապետի ծննդյան 150-ամյակին։
Միջոցառման շրջանակում դասախոսությամբ հանդես է եկել Երևանի Կոմիտասի անվան պետական կոնսերվատորիայի երաժշտության պատմության ամբիոնի դասախոս Սեդա Շեյրանյանը: Իսկ համերգին կոմիտասյան ելույթներով հանդես են եկել «Ագապէ» կամերային երգչախումբը, «Վելվետ» լարային քառյակը, Վարդան Թորոսյանը, Լուսինե Ներսիսյանը, Հովհաննես Հովհաննիսյանը, Անուշ Մարտիրոսյանը և համերգի գեղարվեստական ղեկավար Արտյոմ Հարությունյանը: Երաժշտական դպրոցի նախասրահում էլ ցուցադրվել են Էջմիածնի Եղ. Թադևոսյանի անվան գեղարվեստի դպրոցի սաների աշխատանքները՝ կոմիտասյան թեմաներով:
