Տեղեկատվական կենտրոն
Նորություններ
Մարզպետ Համբարձում Մաթևոսյանը մասնակցել է «Արարատյան դաշտի ձկնաբուծարանների լավագույն փորձ» խորագիրը կրող միջոցառմանը
22.03.2019
ՀՀ Արմավիրի մարզպետ Համբարձում Մաթևոսյանը մարտի 21-ին մասնակցել է «Ուրբան» հիմնադրամի կողմից իրականացվող «Ջրային ռեսուրսների մասնակցային և արդյունավետ օգտագործում» ծրագրի և Ագրոբիզնեսի հետազոտությունների և կրթության միջազգային կենտրոն (ICARE) հիմնադրամի կողմից իրականացվող «Հարակայուն ձկնաբուծարաններ՝ հանուն Հայաստանում ջրային ռեսուրսների բարելավման» ծրագրի շրջանակներում կազմակերպված Արարատյան դաշտում ստորերկրյա ջրերի խնայողական օգտագործմանն ուղղված փոքր ձկնաբուծարանների նորարարական, հնարամիտ և ոչ ծախսատար լավագույն գործելակերպին նվիրված միջոցառմանը: Մասնակիցների թվում եղել են ձկնաբուծարանների, ՀՀ գյուղատնտեսության նախարարության, մարզպետարանների և ՏԻՄ-երի ներկայացուցիչներ, փորձագետներ, ակտիվ բնակիչներ, ինչպես նաև երիտասարդներ ծրագրի գործընկեր համայնքներից:
Ձկնաբուծարանները ներկայացրել են իրենց լավագույն փորձը և խրախուսվել մրցանակներով, որոնք կարող են օգտագործվել ձկնաբուծության մեջ: Միջոցառման ընթացքում լավագույն գործելակերպի պատմությունները ներառվել են առանձին գրքույկում, որը տարածում կունենա գործընկեր ձկնաբուծարանների շրջանում: