Տեղեկատվական կենտրոն
Նորություններ
Ծառատունկ՝ Երևան-Արմավիր մայրուղու ճանապարհամերձ հատվածում
07.04.2019
Մարտի 23-ին տեղի ունեցած համապետական առաջին շաբաթօրյակի շրջանակում Տարածքային կառավարման և զարգացման նախարար Սուրեն Պապիկյանի գլխավորությամբ նախարարության աշխատակազմը, մարզպետ Համբարձում Մաթևոսյանը, մարզից ընտրված ԱԺ պատգամավոր Արգիշտի Մեխակյանը, Էջմիածնի քաղաքապետ Դիանա Գասպարյանը, մարզպետարանի և քաղաքապետարանի աշխատակիցներն ամբողջությամբ մաքրեցին Ծաղկունք համայնքին հարակից՝ Երևան-Արմավիր մայրուղու ճանապարհամերձ հատվածը` այն դարձնելով անճանաչելի:
Նույն օրը ձեռք բերված պայմանավորվածության համաձայն՝ այսօր տվյալ վայրում նախարար Սուրեն Պապիկյանի և մարզպետ Համբարձում Մաթևոսյանի գործուն մասնակցությամբ տեղի է ունեցել ծառատունկ, որի ընթացքում տնկվել է 120 հացենի և 50 կարմրենի: