Տեղեկատվական կենտրոն
Նորություններ
Մեկնարկել է Արմավիրի մարզի շախմատի մրցաշարը
08.04.2019
ՀՀ Արմավիրի մարզպետարանում այսօր մեկնարկել է մարզի շախմատի մրցաշարը, որին մասնակցել են մարզպետարանի աշխատակիցներ, համայնքների ղեկավարներ և դպրոցների տնօրեններ:
Մրցաշարի մասնակիցներին ողջունել և հաջողություններ է մաղթել փոխմարզպետ Կարեն Գրիգորյանը` կոչ անելով ակտիվ մասնակցություն ունենալ ողջ առաջնության ընթացքում:
Մրցաշարի գլխավոր մրցավար Անդրանիկ Սասունյանի փոխանցմամբ` մրցաշարը կանցկացվի շվեյցարական մրցակարգով, 7 խաղափուլով, իսկ ժամակարգը կլինի 30 րոպե յուրաքանչյուր խաղացողի համար: Հավասար միավորներ վաստակելու դեպքում տեղերը կորոշվեն լրացուցիչ ցուցանիշներով՝ բուհգոլցի հաշվարկով, բուհգոլցի հատված 1-ով և սև գույնի ֆիգուրներով առավելագույն խաղացած պարտիաների քանակով:
Արմավիրի մարզի շախմատի մրցաշարը կավարտվի ապրիլի 16-ին: Մրցաշարում 1-3-րդ տեղ գրաված շախմատիստները կպարգևատրվեն ՀՀ Արմավիրի մարզպետի պատվոգրով: