Տեղեկատվական կենտրոն
Նորություններ
Արմավիրում հարգանքի տուրք է մատուցվել Հայոց ցեղասպանության Սուրբ նահատակների հիշատակին
24.04.2019
Այսօր Արմավիրի մարզային և քաղաքային իշխանությունները, քաղաքական, հասարակական կազմակերպությունների, կրթական հաստատությունների ներկայացուցիչները ծաղիկներ են խոնարհել և ծաղկեպսակներ դրել մարզկենտրոն Արմավիրում Հայոց ցեղասպանության Սուրբ նահատակների հիշատակը հավերժացնող հուշակոթողին:
Հուշակոթողի մոտ Արմավիրի թեմը, հանդիսապետությամբ առաջնորդ Տեր Սիոն արքեպիսկոպոս Ադամյանի, կատարել է Հայոց ցեղասպանության սրբադասված նահատակների բարեխոսության կարգ:
Արարողության ավարտից հետո մարզպետ Համբարձում Մաթևոսյանն այցելել է Արմավիրի Սուրբ Գրիգոր Նարեկացի եկեղեցի և մոմ վառել` ի հիշատակ Մեծ եղեռնի անմեղ նահատակների: