Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Արմավիրում տոնում են Քաղաքացու օրը. Համբարձում Մաթևոսյանը մասնակցել է տոնական օրվան նվիրված միջոցառումներին

27.04.2019

Մարզկենտրոն Արմավիրում Անհայտ կորած և զոհված ազատամարտիկների հուշարձանի տարծքում <<Կանաչ Հայաստան>> ծառատունկով առավոտյան տրվել է ՀՀ քաղաքացու օրվան նվիրված միջոցառումների մեկնարկը: Ծառատունկին մասնակցել և խորհրդանշական եղևնիներ են տնկել ՀՀ Արմավիրի մարզպետ Համբարձում Մաթևոսյանը, Արմավիրի քաղաքապետ Դավիթ Խուդաթյանը և այլ պաշոնյաներ:

Այնուհետև մարզպետն այցելել է քաղաքային զբոսայգի, հետևել <<Սպորտային Արմավիր>> մարզիկների ցուցադրական ելույթներին, ապա մասնակցել <<Իրազեկ քաղաքացի>> հանրային քննարկմանը, որի ընթացքում քաղաքացիները հնարավորություն են ունեցել իրենց հարցերն ուղղելու գործադիր և օրենսդիր մարմնի, ինչպես նաև այլ ոլորտների ներկայացուցիչներին` ստանալով համարպատասխան պարզաբանումներ:

ՀՀ քաղաքացու օրվա տոնակատարությունների շրջանակում մարզպետ Համբարձում Մաթևոսյանը շրջայց է կատարել նաև Հանրապետության փողոցում, ծանոթացել <<Տես ու համտես>> արհեստների և արվեստի փառատոնին, տոնական օրվա առթիվ շնորհավորել և բարեմաղթել միջոցառման մասնակիցներին:

Մարզպետը պատասխանել է նաև լրագրողների հարցերին և նկատել, որ նոր իրականության պայմաններում առավել սերտացել է քաղաքացի-պետություն կապը, փոխվստահությունը և այն գիտակցումը, որ Հայաստանի Հանրապետությունը բոլորինն է և ընդհանուր աշխատանքով պետք է նպաստել երկրի առաջընթացին, զարգացմանը:

Հավելենք, որ Արմավիրում Քաղաքացու օրվան նվիրված տոնական միջոցառումնեը կշարունակվեն մինչև երեկո և կամփոփվեն <<Միտքդ վա՛ռ պահիր>> տոնական համերգով:

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2019-05-24 18:00:52