Արմավիրի մարզպետի աշխատակազմ

ՀՀ տարածքային կառավարման և զարգացման նախարարության համակարգմամբ շարունակվում են ՀՀ մարզերում առաջնահերթ լուծում պահանջող հիմնախնդիրների հաղթահարման ուղղությամբ տարվող աշխատանքները, որոնցից մեկն էլ ջրահեռացման համակարգի կառուցումն ու վերանորոգումն է:

ՀՀ Արմավիրի մարզի Էջմիածին քաղաքային համայնքում մեկնարկել են 4500 մետր երկարությամբ կոյուղագծի կառուցման աշխատանքները, որի իրականացման  համար 70 մլն 400 հազար դրամ հատկացվել է պետական բյուջեից, 17 մլն 600 հազար դրամի չափով էլ համաֆինանսավորվել է համայնքի բյուջեից: Ծրագրի արդյունքում զգալի թվով բնակելի տներ և տնամերձեր կմիանան ջրահեռացման ընդհանուր համակարգին: