Տեղեկատվական կենտրոն
Նորություններ
Մարզպետ Համբարձում Մաթեւոսյանի մոտ տեղի է ունեցել քաղաքացիների հերթական ընդունելությունը
13.06.2019
ՀՀ Արմավիրի մարզպետ Համբարձում Մաթեւոսյանի մոտ այսօր տեղի է ունեցել քաղաքացիների հերթական ընդունելությունը, որին մասնակցել է նախապես գրանցված 6 բնակիչ: Քաղաքացիների ընդունելությանը մասնակցել են նաև մարզպետարանի կառուցվածքային ստորաբաժանումների պատասխանատուները՝ քաղաքացիների կողմից ներկայացված խնդիրները տեղում քննարկելու և դրանց լուծման հնարավոր տարբերակներ առաջարկելու նպատակով:
Քաղաքացիները մարզպետին դիմել են աշխատանքի տեղափոխման խնդրի լուծմանը հնարավոր աջակցություն ցուցաբերելու, առաջիկայում կայանալիք դպրոցի տնօրենի ընտրության, դրամական օգնության, սեփականաշնորհված նախկին կենցաղի տան սեփականության իրավունքի ձևակերպման հետ կապված խնդիրների առնչությամբ: Ներկայացված հարցերը մարզպետ Համբարձում Մաթեւոսյանը քննարկել է ոլորտային պատասխանատուների հետ՝ տալով դրանց համարժեք լուծումներ և պարզաբանումներ:
Հիշեցնենք, որ մարզպետ Համբարձում Մաթևոսյանի մոտ քաղաքացիների ընդունելությունը տեղի է ունենում ամեն հինգշաբթի` սկսած ժամը 14:00-ից: Մարզպետի մոտ ընդունելության համար խնդրում ենք հերթագրվել մարզպետարանի քարտուղարության պետի մոտ: