Տեղեկատվական կենտրոն
Նորություններ
Հիմնանորոգվում է Սարդարապատ-Նոր Արմավիր համայնքներն իրար կապող 6.2 կմ ճանապարհահատվածը
19.06.2019
Համաշխարհային բանկի և ՀՀ կառավարության ֆինանսավորմամբ իրականացվող «Կենսական նշանակության ճանապարհային ցանցի բարելավման լրացուցիչ ֆինանսավորում» ծրագրի շրջանակներում հիմնանորոգվում է «Մ5 Սարդարապատ-Նոր Արմավիր Տ-3-52» 6.2 կմ ճանապարհահատվածը:
Կենսական նշանակության ճանապարհների վերականգնման աշխատանքները ներառում են հողային պաստառի վերականգնում, ճանապարհային պատվածքի վերակառուցում, ճանապարհային անվտանգության ապահովում։
Սարդարապատ-Նոր Արմավիր ճանապարհահատվածում այժմ ընթանում են մայթերի կառուցման և ջրահեռացման համակարգերի վերականգման աշխատանքներ:
Սարդարապատ համայնքի բնակիչ Անդրանիկ Հակոբյանը նշում է, որ հիմնանորոգվող ճանապարհի միջոցով են գյուղացիները գնում դեպի իրենց հողատարածքներ, և ճանապարհի բարեկարգումը կհեշտացնի իրենց գործը։ «Մի ամիս է, ինչ շինարարները եկել են մեր համայնք, ու շատ լավ աշխատում են՝ և՛ արագ, և՛ որակով»,- ասում է Անդրանիկ Հակոբյանը։
Այս հատվածում աշխատանքները, ըստ պայմանագրի, նախատեսված է ավարտել 10 ամսվա ընթացքում, սակայն պլանավորվում է ճանապարհը վերականգնել մինչև ընթացիկ տարվա վերջ։
Հավելենք, որ ընթացիկ տարում կհիմնանորոգվի նաև մարզային նշանակության «Լուկաշին-Հ-17» 3.2 կմ ճանապարհահատվածը: