Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Եվս 2 սուբվենցիոն ծրագիր հավանության է արժանացել
28.06.2019
Սույն թվականի հունիսի 26-ին փոխվարչապետ Տիգրան Ավինյանի մոտ կայացած սուբվենցիաներ ստանալու համար ծրագրային հայտերի գնահատման միջգերատեսչական հանձնաժողովի հերթական նիստի ընթացքում քննարկվել և հավանության են արժանացել Արմավիրի Կողբավան համայնքի «Խմելու ջրի ջրամատակարարման համակարգի կառուցում» և Շահումյան համայնքի «Շահումյան գյուղական համայնքի կոյուղագծի կառուցում» ծրագրերը:
Մարզպետ Համբարձում Մաթևոսյանի համապատասխան գրությամբ Կողբավան և Շահումյան համայնքների ղեկավարներին առաջարկվել է ՀՀ օրենսդրությամբ սահմանված կարգով հայտարարել ծրագրերի իրականացման մրցույթները` ապահովելով արդյունավետ, հնարավորինս թափանցիկ և նվազագույն ռիսկերով մրցութային գործընթաց:
Ընդհանուր առմամբ, ՀՀ Արմավիրի մարզից սուբվենցիաներ ստանալու համար ծրագրային հայտերի գնահատման միջգերատեսչական հանձնաժողովի հինգ նիստի ընթացքում քննարկվել և հավանության է արժանացել 31 ծրագիր: Միջգերատեսչական հանձնաժողովի առաջիկա նիստերի ընթացքում կքննարկվեն նաև մարզից ներկայացված սուբվենցիոն մյուս ծրագրերը:
