Արմավիրի մարզպետի աշխատակազմ

Տարածքային կառավարման և ենթակառուցվածքների նախարար Սուրեն Պապիկյանի հետ այսօր ծանոթացել ենք Սարդարապատ-Նոր Արմավիր համայնքներն իրար կապող 6.2 կմ ճանապարհահատվածի հիմնանորոգման աշխատանքներին:

«Մ5 Սարդարապատ-Նոր Արմավիր Տ-3-52» 6.2 կմ ճանապարհահատվածի հիմնանորոգումն իրականացվում է Համաշխարհային բանկի և ՀՀ կառավարության ֆինանսավորմամբ՝ «Կենսական նշանակության ճանապարհային ցանցի բարելավման լրացուցիչ ֆինանսավորում» ծրագրի շրջանակներում:

Կենսական նշանակության ճանապարհների վերականգնման աշխատանքները ներառում են հողային պաստառի վերականգնում, ճանապարհային պատվածքի վերակառուցում, ճանապարհային անվտանգության ապահովում։

Սարդարապատ-Նոր Արմավիր ճանապարհահատվածում այժմ ընթանում են մայթերի կառուցման և ջրահեռացման համակարգերի վերականգման աշխատանքներ:

Այս հատվածում աշխատանքները, ըստ պայմանագրի, նախատեսված է ավարտել 10 ամսվա ընթացքում, սակայն պլանավորվում է ճանապարհը վերականգնել մինչև ընթացիկ տարվա ավարտը։