Տեղեկատվական կենտրոն
Նորություններ
Արմավիրի մշակույթի տանը ներկայացվել է «Չիվնինգ» կրթաթոշակային ծրագիրը
11.07.2019
ՀՀ Արմավիրի մարզպետարանի աջակցությամբ Արմավիրի մշակույթի տանը տեղի է ունեցել «Չիվնինգ» կրթաթոշակի մասին տեղեկատվական հանդիպում, որի ընթացքում Հայաստանում Մեծ Բրիտանիայի և Հյուսիսային Իռլանդիայի Միացյալ Թագավորության դեսպանության ներկայացուցիչները մանրամասներ են ներկայացրել կրթաթոշակային ծրագրի վերաբերյալ` ընդգծելով, որ բրիտանական կառավարության հեղինակավոր «Չիվնինգ» կրթաթոշակային ծրագիրը Միացյալ Թագավորության և Հայաստանի Հանրապետության միջև համագործակցության կարևոր ուղղություններից է, որը ՀՀ քաղաքացիներին ՄԹ ցանկացած բուհում մեկ տարվա մագիստրոսական ծրագրով ուսանելու հնարավորություն է տալիս:
Տեղեկացվել է, որ ուսանողների թռիչքի, կեցության և ուսման ծախսերն ամբողջությամբ ֆինանսավորում է ՄԹ արտաքին գործերի և համագործակցության երկրների նախարարությունը: Կրթաթոշակը տրամադրվում է առաջնորդության ունակություններ ունեցող լավագույն դիմորդներին, և դիմելու համար չկա որևէ տարիքային սահմանափակում: «Չիվնինգ»-ի համար կարող են դիմել բակալավրի կոչում և երկամյա աշխատանքային փորձ ունեցող քաղաքացիները (կամավորական աշխատանքը նույնպես անցողիկ է): Կրթաթոշակը տրամադրվում է ինչպես կրթության, այնպես էլ կեցության ծախսերը հոգալու համար:
Հանդիպումն ամփոփվել է հարց ու պատասխանով: