Տեղեկատվական կենտրոն
Նորություններ
Մարզպետը հանդիպում է ունեցել Լուկաշին համայնքի բնակիչների հետ
01.08.2019
ՀՀ Արմավիրի մարզպետ Hambardzum Matevosyan/Համբարձում Մաթեւոսյանն այսօր հանդիպում է ունեցել Լուկաշին համայնքի բնակիչների հետ, որի ընթացքում քննարկվել են համայնքում հունիսի 29-ին տեղացած կարկուտի վնասների փոխհատուցմանը վերաբերող հարցեր: Մասնավորապես անդրադարձ է եղել մարզպետի միջնորդությամբ գյուղատնտեսական վարկերի մասով հնարավոր զիջումներ իրականացնելուն և պետական աջակցությամբ վնասը փոխհատուցելուն:
Մարզպետը վստահեցրել է, որ կարկտահարությունից տուժած բոլոր համայնքներում համապատասխան հանձնաժողովների կողմից ուսումնասիրվել և հաշվառվել են գյուղացիական տնտեսությունների կրած վնասի չափերը, իսկ տվյալները ներկայացվել են պատկան գերատեսչություններին` գյուղացիներին հնարավոր փոխհատուցում տրամադրելու ակնակալիքով: Համբարձում Մաթևոսյանը հավաստիացրել է, որ լուկաշինցիների կողմից բարձրացված հարցերի շուրջ առաջիկա օրերին ևս քննարկում կունենա ոլորտային պատասխանատուների հետ:
Հանդիպմանը քննարկվել են նաև Լուկաշին համայնքում հակակարկտային կայաններ տեղակայելու հնարավոր տարբերակները` գյուղացիական տնտեսությունները կարկուտից պաշտպանելու համար: Ներհամայնքային մի շարք խնդիրներ լուծելու համար էլ մարզպետն առաջարկել է համայնքապետին հայտ ներկայացնել սուբվենցիոն կամ մարզի հրատապ լուծում պահանջող խնդիրների ծրագրերում ընդգրկվելու համար: