Արմավիրի մարզպետի աշխատակազմ

Արցախի Հանրապետության մայրաքաղաք Ստեփանակերտում Համահայկական 7-րդ ամառային խաղերի շրջանակում օգոստոսի 7-ին ավարտվել են բազկամարտի մրցումները: Արմավիրի մարզը ներկայացնող մարզիկներն այս մարզաձևում գրանցել են լավ արդյունք` նվաճելով 2 ոսկե, 2 արծաթե և 1 բրոնզե մեդալ:

Էջմիածին քաղաքը ներկայացնող մարզիկ-մարզուհիներն էլ կարևոր հաջողություններ են գրանցել սպորտային պարերից` նվաճելով 8 ոսկե, 7 արծաթե և 5 բրոնզե մեդալ:

Համահայկական 7-րդ ամառային խաղերում հաղթական մեկնարկ են ապահովել նաև Արմավիր և Էջմիածին քաղաքները ներկայացնող շախմատիստները:

Օգոստոսի 9-ից համահայկական խաղերը կշարունակվեն Հայաստանում, իսկ փակման հանդիսավոր արարողությունը տեղի կունենա օգոստոսի 17-ին՝ Երևանի Ազատության հրապարակում: